麥記六大死因

麥記總裁Steve Easterbrook今日宣布了麥記重組方案，旨在改善餐廳營運，以改善不濟的營業額。麥記在美國的營業額連跌六季，近來在香港的分店也執下一間執下又一間，連新城市廣場最賺錢那一間也頂不順，可見麥記正陷於困境。究其原因，它的下沉與大環境轉變，關係甚大。
提供高質食物
麥記是快餐店，主打快，質素並非首要，但隨時全球人類愈來愈著重食物健康及質素，正正是麥記的死穴，一講起垃圾食物，就想到它，試問怎不教人卻步？雖然麥記都好俾心機提高食物質素及健康度，但市民如你我，如果想食得健康，又怎會光顧它呢？
顧客口味快轉
而且，現今世界的年輕人，口味轉得之快，實在驚人，以前麥記可能三兩個月才需要增加食物品種，但現時差不多隔星期就要轉，可惜也追不上顧客口味的轉變呢。
營運負擔過重
又高質食物又要度新品種新口味，變相經營成本大增，而且新口味又未必一定成功，例如麥記賣的飯，筆者自問從未試過，因為想食飯也不會去麥記吧。所以，重組方案擴大特許經營店數目，希望減少管理開支，減輕負擔。
食物種類過多
以往麥記只賣十款八款包，薯條及雪糕等，今時今日呢？不計包的類別，還有飯、粟米、湯、扭扭粉、沙律等等，有統計指在2007年，麥記只銷售85款食物，但今日已經升至121款，食物種類多，即是要多些員工、器材及材料製造，又是一項負擔。
並不與時並進
以往麥記很緊貼潮流，麥記叔叔及漢堡神偷深入民心，早十幾年換公仔換到大排長龍，製造熱潮，可惜一條橋用足廿年，今時今日繼續玩換公仔，作用及成效已經大不如前了，連帶麥記的品牌形象，也沒有提升，食麥記唔好話俾人知呀！
網上交流不足
雖然麥記都有會員制，但明顯與顧客的關係緊密度不足，又不善用社交網站與網民接觸，難以與新一代年輕人接軌，顧客沒有忠誠度，難以留低客人心。