雅虎香港財經 「餸頭餸尾」變佳餚 環保餐廳夥藝團推沉浸式餐桌體驗 反思食物價值
【Yahoo 新聞報道】你會如何看待剩食？食物的價值又是否單單取決於食物的外觀？有使用本地食材的環保餐廳，就與藝團及食物設計團隊合作，舉辦「沉浸式餐桌體驗」，將食物的「off-cut」，即「餸頭餸尾」化為佳餚。餐廳希望參加者欣賞本地食材之餘，同時反思食物的價值，「我哋平時用餐嘅方式係點、係咪好吹毛求疵」。
記者：Carmen C.
攝影記者：HLKP
主打本地食材餐廳ROOOT，意指「根」，比「Root」多了一個「o」，是因為餐廳是由三個曾居荃灣的家庭開設。店內裝修主打環保及可持續發展主題，佈置裝飾如掛起的繩網、獨木舟等，全都是撿拾得來。創辦人Soto指，「不如自己落手落腳做、自己落手落腳整」，以環保為大前提。「呢個世界實在用太多資源，唔使吓吓都淘寶，或者tailor made（度身訂做）一啲嘢」。連店內的梳化也是移民的朋友所遺下的，Soto冀餐廳的環保氛圍可感染客人，「希望多啲年青人都鍾意呢個氣氛，而唔係說教式講環保、有型少少」。店內同時有售二手衣服，以及本地醬料和有機堆肥。
林村設農田種食材
ROOOT出售的食物，大多以本地食材烹調，豬肉來自本地豬場的無激素豬，醬料、蔬菜則來自本地農夫和自家農場。Soto指ROOOT在林村設花園及農田，兩畝農田種著不同蔬菜及瓜類，「嗰季有啲咩，我哋個餐單又會再轉」以配合當造食材。可持續發展是餐廳的其中一個主軸，Soto認為「無嘢sustain（持續）嘅話，呢個地方就會唔開心、就會枯萎。既然我哋都仲喺度唔諗住離開，不如我哋將呢個地方做好佢」。
沉浸式體驗近年大行其道。南豐集團的可持續發展項目「世界之約」與ROOOT、食物設計創作團隊「深食」，以及舞蹈形體藝術團TS Crew合作，舉辦三場「沉浸式餐桌體驗」，名為「它的神話－植物宴」。Soto指獲南豐集團邀請時相當興奮，因自己在上海看過沉浸式戲劇《Sleep No More》（不眠之夜），令他對「沉浸式」（immersive）體驗有所興趣。他了解到深食及TS Crew的意念後，便希望利用本地食材，輔以餐應內的植物佈置，讓食客反思食物的價值，「有啲嘢我哋都有得選擇，睇你嘅取向係點……希望有少少嘢（思考）可以拎返走」。
浪費食物有成本
活動在餐應ROOOT舉行，食客能夠從舞蹈和佈置中，感受到食物與人的關係。負責食物設計的「深食」團隊成員Cindy指，TS Crew在今次活動以舞蹈表現的「神話」，帶出一般人不珍惜食物是源於價值觀影響，「背後係有成本，所產生嘅浪費就會由環境去承受」，並利用一般人不太珍惜的食材入饌，去探討剩食及浪費等議題。
活動名為植物宴，三道菜與飲品均是全植物所製。其中一道菜是以另外兩道菜的「off-cut」所製成。「off-cut」的意思，就是處理食材是切下的「餸頭餸尾」。ROOOT的廚師就將「off-cut」化成佳餚，Soto亦同意植物宴中的食材並非名貴，卻是出自本地農夫之手，「做農夫好hard core，好多時打風白做」，讓大家重新思考「佳餚」的意義，「可以簡單用就地食材、本地調味都好好食，究竟我哋追求嘅係啲咩？」
「它的神話 – 植物宴」活動詳情
日期及時間：
第一場：11 月 25 日 | 7:30 PM
第二、三場：11 月 26 日 | 6:00 PM 及 8:00 PM
地點：荃灣白田壩街 41 號南豐紗廠 119 號舖 ROOOT
票價：HKD 380
更多綠色新聞🌍資訊，即睇「Yahoo可持續發展」專頁！
