請人嘅成本有部份係隱藏起嚟,表面上數字係睇唔到。如果明白請人嘅隱藏成本,就會知道留住好員工嘅重要性,往往呢一點就係成功企業同平庸企業嘅分界線。
最新香港失業率經季節性調整維持喺2.8%低位,企業一般都面對招聘困難問題。一啲需要特殊技能嘅職位就更加難請,好多公司不惜高薪聘請、畀高昂嘅獵頭費用,誓要請到相關人才為止。
人越嚟越難請,相信係每間公司都面對緊嘅問題。無論係前線定後勤職位,HR都為咗消滅空缺而煩惱。