雅虎香港財經 
無大陸自由行 Apple Store係咪開得太多？
紅衫女子硬闖觀塘Apple Store搗亂掀起話題，今次事件亦衍生一大課題，本地Apple Store係咪已經開得太多。
當初Apple Store在香港急速擴張，主要原因係為了照顧內地客。所以幾個Apple Store插旗的據點如中環、沙田、觀塘、尖沙嘴、銅鑼灣及九龍塘，都係內地客逛街及購物的熱點。
美股、外匯、加密貨幣免費即時報價，自選投資組合獲取相關新聞提示
積極進駐內地大城市
但疫情令內地客銳減，加上Apple Store積極進駐內地大城市，上年北京三里屯太古里門市更升級成全球排名前三的旗艦店，即使將來恢復通關，Apple Store對內地客的吸引力都會大打折扣。紅衫女子硬闖事件，更反映二線購物區一些管理及保安上的挑戰。Tim Cook被譽為美國商界最強數佬之一，似乎都應該正視香港Apple Store開得太多的問題。
Apple Store與一般電子用品店最大分別，係標榜體驗先行，所以每間Apple Store面積一定要巨型，換言之租金成本亦相當驚人。雖然以Apple Store的品牌及租用的面積，有相當條件與業主討價還價，但租金寬免點慳都及不上減分店來得直接。而且二線商業區分銷產品重任，亦可以交予其他蘋果產品分銷商或電器連鎖店。
或以專門店方式進駐K11
至於Apple Store另一功能維修支援，初步支援現時都透過網上或電話進行，亦有唔少蘋果用戶係預約特約維修商進行維修。更何況以往目測，在Apple Store維修確認部機無得整的用戶，都未必會即場購買新機，故此維修客帶來的商機有幾大同樣係疑問。故此Apple Store收縮分店，在維修支援上亦無乜包袱。
假如決定收縮，觀塘、沙田分店都係熱門開刀選擇，至於尖沙嘴，亦可以考慮將幾層縮成一層。另一部署係由大變細，以專門店方式進駐誠品或K11商場，既可以保持與顧客的接觸面，又可以鞏固蘋果的品味形象兼節省租金成本，隨時一舉三得。
相關報道：
