IKEA佛跳牆 弊在唔夠「IKEA」

·3 分鐘文章
用gimmick菜式殺出血路無可厚非,但「佛跳牆」卻欠缺一點「IKEA味」
用gimmick菜式殺出血路無可厚非,但「佛跳牆」卻欠缺一點「IKEA味」

「劣食」係網民永恆關注的題材,當Ikea推出佛跳牆時,已有唔少花生友期望有勇士試食兼點評「劣食度」,結果有勇士試食後形容「伏字」在腦海不斷盤旋。

福建名菜佛跳牆,賣點係火候十足、料同湯融為一體,但勇士試食Ikea版佛跳牆剛好相反,雖然料都有齊冬菇、魚蛋、芋頭、魚肉、海参同腩肉,但入口就似湯還湯、料還料互不相干,予人感覺湯同料係盲婚啞嫁,更離奇係湯有藥材味,感覺似係肉骨茶。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示

假如運用IKEA哲學,這款佛跳牆應該用湯包模式
假如運用IKEA哲學,這款佛跳牆應該用湯包模式

譚仔也出「茜麵」

按勇士評語,Ikea版佛跳牆賣$63又似乎唔太抵,甚至有網民回應指係「惡夢級」。Ikea餐廳一直以地方寬落,價錢合理,食物保持「正常」維持強勁人流。行入去Ikea餐廳大家都預期食物唔會係超水準,而且gimmick菜式本來就抱住一試心態(例如譚仔茜麵),應該可以食得安心,所以即使揀佛跳牆來食都會事先作期望管理,仍然失望關鍵原因可能係呢款佛跳牆唔夠「Ikea」。

電影《食神》中佛跳牆的形象深入民心
電影《食神》中佛跳牆的形象深入民心

在於未應用IKEA哲學

所謂唔夠「Ikea」,並非不夠電影《食神》中一尊佛跳牆般火候十足,亦非指佛跳牆唔係瑞典菜,近期熱播的韓國節目《在當地吃得開嗎?美國篇》,節目團隊雖然在美國擺餐車賣韓國美食,但當中唔少其實係韓式中華料理,然而一樣大排長龍,所以在瑞典餐廳賣佛跳牆其實問題大不。死穴在於Ikea未有運用其採購、生產、包裝哲學在開發這款佛跳牆之上,假如運用Ikea哲學,這款佛跳牆應該係搵擅長整湯包的廠商,交由廠商預製一包包佛跳牆,現時市面知名的湯包,一般都唔多有湯還湯、料還料的毛病,所以用湯包模式,就較容易確保湯料融為一體呈現佛跳牆風味。湯包另一好處係管理存貨較方便,毋須擔心用大煲製作賣唔晒會浪費食材,換言之更有空間可以加多啲料。

再Ikea一點,就係索性將湯同料分成兩包發售,在餐廳食時亦分兩碗上,就像Ikea家具一盒內不同部件會分類包裝,咁就更方便食客按自己口味「撈」來食。當然玩到咁的話,其實倒不如賣關東煮仲合理,更可以將ikea招牌肉丸及本地魚蛋加入選項,增加本地及瑞典特色吧。