雅虎香港財經 
Mirror提你多技傍身時代終於殺到
教育專家近年大力反對家長強迫子女學呢樣嗰樣，但城中盛事Mirror演唱會忽然提醒大家，多技傍身時代終於殺到。
專家反對小朋友學多重技能，最重要的理據係學校功課已經好繁重，家長咁搞只會令子女百上加斤。但一場疫情，小朋友都抱怨留家學習時間多得發慌，正係好時機啟動學習技能，為日後搵食增加本錢。
美股、外匯、加密貨幣免費即時報價，自選投資組合獲取相關新聞提示
世界難撈遠超家長想像
傳統上會認為子女考入大學「賺錢科」，日後生活就有保障，學額外技能都只會變成燒錢興趣。但世界已經唔同，傳統「賺錢科」如會計、金融、法律到醫學，均面對人工智能進擊威脅。另外固有印象的搵食技能如揸車、保安，同樣有機會被自動化所取化。換言之，未來世界之難撈可能遠超家長想像，更何況政府大力鼓勵年輕人往外闖，近則大灣區，遠則一帶一路，再遠一點就係移民，年輕人走出去就更加要多幾種技能傍身。
參考Mirror演唱會示範及193爆紅例子，男生要在社會企得穩，高大係基本條件，所以多飲牛奶及打籃球已經係不可或缺提升競爭力鍛鍊。另外Mirror成員唔係識彈琴、古箏，就係可以隨時展示「朱古力」肌身型，都點出玩音樂及鍛鍊好體魄，已經係令男生競爭力大提升捷徑。Mirror正正就代表了今天一名男士於年輕人的社群中的應有形象。
「賺錢科」有效用死線
再放長線一點看，退休年齡正是「賺錢科」的死線，賺錢能力隨年齡大而減少，如果未能成功轉型做行業顧問袋穩顧問費，老年基本上是一無所有，但技能就大大不一樣，即使60歲退休後要過第二人生，技能反而可保你晚年的賺錢能力，動輒20、30年。
裝修整水喉新勢力
高大、識玩樂器、外型唔錯、甚至識整水喉的男生，毋須進軍娛樂圈，只要投身任何需要與人溝通的行業都相當著數，公司pantry水喉出事，佢又可以整，同女同事又多個話題，反而「學霸」如果本身缺乏技能，職場親和力就略為不足。今時今日，假如再學多幾門渴市技能如裝修、水喉、剪髮，再掌握據聞將來係基本技能的寫Code，咁樣就真係進可攻大灣區、一帶一路，退可留守本港的新生代人才，家長就可以真正放心了。
相關報道：
