TVB不如做《歡樂今朝》

·2 分鐘文章
根據疫情下香港人的生活習慣改變,與其做《歡樂今宵》,不如做《歡樂今朝》
根據疫情下香港人的生活習慣改變,與其做《歡樂今宵》,不如做《歡樂今朝》

港人最關心的影視娛樂大震盪,近日曾志偉回朝掌大權「救TVB」,又有傳譚詠麟跑步獻計,叫曾志偉翻叮類似《歡樂今宵》節目,據說志偉現正四圍收集意見。

其實,根據疫情下香港人的生活習慣改變,與其做《歡樂今宵》,不如做《歡樂今朝》,更有望為TVB創造藍海,理由有三:

第一:「今宵」已不再是觀樂時段,而係搏殺時段,食粥食飯睇美股,睇bitcoin;基本上一過晚飯時間,好多時間都睇住個市,愈夜愈有機,點會呢個時候睇《季節》呢?除非TVB都係以「已上岸人士」為目標。

「今宵」已不再是觀樂時段,而係炒股時間
「今宵」已不再是觀樂時段,而係炒股時間

第二:疫情下,港人早上生活變豐富,睇片、聽歌、做瑜伽、健身,都係早上會做的事,雖然未致於最近Tim Cook的訪問中自言清晨4點起床健身,但正路深宵炒完股,朝早7點起來,對自己好啲是正常不過的事。

第三:之前防疫政策關係,港人6點前已經食晚餐,早餐相對變得重要。享用早餐時間延長,意味「早市娛樂」其實有空間;以目前未有太多競爭對手下,《歡樂今朝》說不定是個出路。

事實上傳譚伯也是在「早市娛樂」跑步獻計
事實上傳譚伯也是在「早市娛樂」跑步獻計

DayDaycook合作教煮大早餐

那麼《歡樂今朝》可以點做呢?睇「海洋公園」都要引入瑜伽就知道,早市瑜伽堂,又或者邀DayDaycook合作教煮大早餐,應該總比「獎門人super之歡樂今宵版」好吧;進取一點,或者可應「保險界王祖藍」林作邀請,買下「林作大戰鍾培生」轉播權,在早上開打。

或者真係可以「買下」林作大戰鍾培生的「轉播權」,在早上開戰
或者真係可以「買下」林作大戰鍾培生的「轉播權」,在早上開戰

big big channel串流音樂

此外,既然與三大唱片公司破冰,投資big big channel化身成串流媒體,亦可推「大台playlist」;進取點可跟近日正大舉擴張的Spotify合作,同樣鎖定早市娛樂,說不定能夠再創藍海?

相關報道:

【下載Yahoo財經APP】獲全球超過1700萬人信任的美股投資工具,跨平台同步你的投資組合,一APP掌握TSLA、AAPL、AMZN等美股最新走勢。