【專家分析】高盛估明年內地乘用車銷量零增長係咪太悲觀?
【Now財經台】商務部日前表示,要加大力度催谷汽車消費,包括加快推動新能源汽車下鄉,促進新車消費之餘,亦希望透過促進二手車交易,提升居民換車意慾,亦有催谷新車銷售的效果,不過,高盛研究報告則大潑冷水,一口氣下調今年、明年及後年,合共三年的乘用車銷售預測,更估計明年總銷量比起今年完全零增長,咁樣會唔會太悲觀?
股評人李偉傑覺得係微增長,但未至於零增長,因為未來12個月的汽車銷量仲係有好多變數,例如「晶片荒」問題影響車廠產出、生產電動車較多用到的包括銅或鋁等資源價格持續上升、加上内地人均消費能力暫時算強,種種因素令消費者購車意欲或方向,有機會因此調整。