【專家分析】燃氣股首選係……
【Now財經台】港華燃氣(01083)5月暫時升到20%,係單月恒生綜合指數中3大升幅股之一,有望創9年嚟最大單月升幅。
股價彈起之前,公司已獲花旗推介,睇好估值低會有資金追入。今周更獲大和唱好,喺中資燃氣股中唯一獲「買入」評級。
耀才證券研究部總監植耀輝認為,除咗估值比同業低,港華爆升亦因為公司之前投資咗上海燃氣,有助業務發展;加上燃氣板塊有國策扶持,所以股價逆市有得升。
不過Stanley話,港華唔係燃氣股唯一選擇,指中國燃氣(00384)、新奧能源(02688)規模大過港華,發展空間會大啲。