雅虎香港財經 「去少啲日本」買樓終成真？神話如何再升華
日本開關，有傳媒重提劉鳴煒教年輕人「去少啲日本」置業論，更幫忙計數當年理論今日終於成真。但似乎其計法有點「離地」，如果想更多年輕人實踐到劉鳴煒置業智慧，「去少啲日本」神話應該如何再升華？
如何定義「去少啲」？
劉鳴煒當年的置業論有三大要點，一是「睇少啲戲」，二是「去少啲日本」，三是「等樓價跌可入市」。第一項是節約生活開支細數，如果有心儲錢都會理解甚至正實踐，至於「去少啲日本」之所以引起熱議，是當年上車成本，可能戒甩去日本都無補於事。
不過政府放寬按揭成數後，發展商推上車盤時，將細單位定價盡量貼近500萬界線，方便上車客通過壓測借盡九成按揭。於是「去少啲日本」置業理論終於有機會成真，
傳媒就以日本通關團收費2.2萬元為基礎，假設兩人每月去少一次日本，二人全年共慳52.8萬元，足夠支付首期入手500萬上車盤。
然而問題在於假設的遊日「密度」，一年去12次日本，相信對一般人而言很難當作「去少啲」。除非你像填詞人Wyman當年在商台打工逢周末去一轉東京，一年少去12次便算是「去少啲」。更何況每月要慳2.2萬人，即使與屋企人住、毋須支付家用及步行返工，可能都要月入至少三萬才勉強實現到，對一般年輕人而言似乎仍舊「離地」。
提升神話 可兩路入手
實際一點地去計數，「去少啲日本」約莫一年去少三、四次，二人同行再加平日儲蓄，儲廿多萬較為可行。手握這筆預算仍可以上車，才算是將「去少啲日本」置業神話再升華，要實現的話，至少可從兩路入手。
首先是重啟首次置業貸款計畫，政府在1998年曾推出首置貸款計劃，當年家庭申請最多可獲60萬元貸款，單身人士申請最多可獲30萬元貸款，即使無視通脹原額重推，配合九成按揭，都足以幫助「去少啲日本」港人購置上車盤。
二是再放寬上車盤按揭成數，現在連一千萬以下物業首置都可以借盡九成按揭，500萬或以下上車盤又何況再放寬一點去到九成半按揭，讓有本事通過壓測的準買家，手持廿多萬即可圓上車夢。
不過世事無絕對，新一屆政府強調處理房屋問題要「全面提速、提效和提量」，發展商亦開始積極配合興建過渡性房屋甚至私營公屋，面對「三提」，由地產界到樓市分析員都一致唱淡指港樓高增長時期已一去不復反。假如遲買平一截，市場租盤供應大增租金持續下調，年輕人唔急於上車、收入足以通過壓測，對遊日餓了兩年多，可能仍會選擇「去多幾次日本」，結果是先實踐劉鳴煒置業論第三項重點「等樓價跌可入市」吧。
伸延閱讀：
