【水能覆舟】不經一番寒徹骨（渾水）

【水能覆舟】不經一番寒徹骨（渾水）

大升日升夜升，不經不覺已經升穿三萬三，上了史上高位。成交也去到單日天均約二千億，成交增加，港交轉運急升。這個現象可稱之為「成交。轉運」。我，繼續日出而作，日入而息，完全感受唔到大牛市的氣氛。還記得之前「港股大時代」，不論前一晚玩到幾多點，翌日必會自動波起身炒股票，每一日執金咁執。有錢贏，就有鬥志。

今次牛市，並沒有很多香港幫的參與，主要都是北水帶動，硬挾都可以挾到上三萬三，游資的威力不能忽視。細價股炒家感受唔太到呢個氣氛，身邊也不覺得很多人入市炒埋一份。所以坦言，「水母」，即係我阿媽的股票回報比我更高，因為她買了港交所。

這次升浪可以升幾高，真係講唔埋，不過很多內房已經開始高位配股抽水。如果今次升浪食唔盡，真係唔知等幾耐。因為風高浪急，今次一炒完，大市可能要以五年計去復完。

等待是最難捱，我同一班股友只能互相打氣，互相鼓勵。例如，我們會引經據典：

孟子曰：「舜發於畎畝之中，傅說舉於版築之閒，膠鬲舉於魚鹽之中，管夷吾舉於士，孫叔敖舉於海，百里奚舉於市。故天將降大任於斯人也，必先苦其心志，勞其筋骨，餓其體膚，空乏其身。」

每一日，我地都會讀一次。去到後期，我的股友開始頂我唔順，問我有無第二句。

「有。」

「塵勞回脫事非常，緊把繩頭做一場；不經一番寒徹骨，那得梅花撲鼻香。」