健威買家煞停入市

健威花園一個原以840萬元出售的兩房單位，終未能完成交易。

香港出現武漢肺炎確診個案，恐慌蔓延至二手樓市。有原打算以840萬元購入北角健威花園海景兩房戶買家，昨晚即時煞停入市，而長沙灣屋苑亦出現多組準買家取消睇樓個案。有投資者就揚言，若樓價大跌，隨時準備趁低撈貨。

世紀21日昇黃文龍透露，健威花園C座一個高層1室單位，實用面積446方呎，減價28萬元後，獲區內換樓客願意承接，原先相約業主在昨晚八時簽約，最終「甩底」未有完成交易。而該單位業主暫仍以之前開價重新放盤。

盈翠半島一周賣平5%

另外，西九龍亦成為「重災區」。香港置業曾家輝表示，本港出現確診個案後，長沙灣四小龍（包括宇晴軒、泓景臺、昇悅居、碧海藍天），共有3至4組睇樓客即時取消預約，並且表示需視乎農曆新年後情況再作入市決定。

事實上，確診前二手樓市已現劈價及跌價。置安居蘇永耀指出，屯門海翠花園5座中層海景戶，開價700萬元，買賣雙方經過三日洽商後，至本周單位再減至675萬元售出，呎價11,084元。

美聯吳志輝亦稱，荔枝角美孚新邨4期百老滙街107號中層兩房戶，去年十月開價790萬元，早前已減價30萬元，近日再減至735萬元成交，呎價14,583元。

該行蘇順華則指出，青衣盈翠半島8座中低層兩房單位，實用面積523方呎，劈價75萬元，獲外區上車客以845萬元購入。個案反映不足一周內同類型單位做價低約5%。

投資客謀樓價冧撈貨

市場人士指疫情對樓市影響不容忽視。資深投資者伍冠流認為，武漢肺炎對樓市影響可大可小，現階段難以預期，但市道不會回落太多。

他又指，當市區樓價再跌一成或新界盤有多於一成跌幅，屆時都會考慮入市，但出價會保守一點。

而另一位資深投資者吳龍飛則表示，香港經濟百業蕭條，近日交投量雖然稍為回升，反映業主願意減價出貨，若果疫情大規模爆發，樓價有機會大瀉四至五成，屆時會再度出手買樓。

至於中原地產亞太區副主席陳永傑指出，近月樓市已出現小陽春。惟肺炎事件打亂走勢，料短期內令一至兩成有意置業人士信心受損，減少或暫停睇樓活動，令小陽春變得「冇咁熾熱」。