【又一單】NGO Officer升職冇加人工
呢個世代嘅HR,絕對唔再係單純HR,佢哋嘅日常工作唔係幫公司物色人才,反而係全力幫公司剝削員工,不斷縮數。每日挑戰打工仔底線,以為用少少著數就可以留住人才。
某打工仔在中小型嘅NGO已經做咗5年,由第3年開始,佢已經表達去意,除咗因爲工作辛苦,為咗打關係,仲要經常返內地劈酒,令佢開始厭倦。但因為佢只係個Officer,上面仲有升職空間,所以上司就不斷氹住佢,話公司好快有得升。
願望今年終於成真,打工仔受到上司email,講到明會升佢做Senior Officer,之但係上司同HR接洽後,講到明只係部門嘅架構重組,所以轉咗職銜名,而人工就冇得升,聽到同事O晒嘴!
由Officer變做Senior Officer係架構重組?Are you kidding me? 令打工仔完全感受到公司為咗縮數,對員工係幾咁刻薄,連升職都唔想加人工。上司仲勸打工仔接受咗先,話晒都叫拎咗個名,做多幾年先再諗吓轉出去,令呢位打工仔好想即時劈砲。
咁無良嘅公司、上司同HR,有冇打工仔都曾經遇到過?
===================
19網輕鬆爆料熱線,歡迎舉報老細同事19惡行,立即click入去講畀我哋知啦