外國研究證實：「藝術家」大腦較少受金錢刺激

做藝術創作嘅人，最重要係有源源不絕嘅靈感，故生活中需要很多刺激，去一趟旅行，或聽一場音樂會，以喚醒創意嘅細胞。但佢哋偏偏唔太睇錢，呢啲係咪叫「藝術家性格」？

如果你都有「藝術家性格」，咁就大鑊了。

早前刊登於《Creativity Research Journal》一項研究，證明咗搞創作嘅藝術家，其大腦唔會被金錢刺激到呢個事實。

研究人員找來24位參加者，有一半人在藝術領域工作，例如音樂家、攝影師、演員、畫家及雕塑家等，代表「有創意」嘅一組；而其餘一半嘅人視為「非創意」組，職業分野包括商業管理、保險銷售及工程等。

實驗過程係，參加者戴上一副眼罩，會顯示唔同顏色方格，並被告知選擇綠色方格，便可獲得30歐元（約270港元）。另一邊廂，研究人員對佢哋嘅大腦進行fMRI（功能性磁力共振掃描），觀察其多巴胺（dopamine）水平變化。

結果顯示，當藝術家們揀咗有錢收嘅綠色方格，其腹側紋狀體( ventral striatum)－即掌管歡樂、安慰等感受嘅大腦系統，激活程度比「非創意」組顯著減少咗。

另外，第二次測試中，研究人員叫參加者唔好揀有錢賺嘅綠色方格。不過咁做，反而令藝術家們嘅多巴胺相關反應卻更強烈。

所以，好多做創作或者有「藝術家性格」嘅人，一旦有了目標，無償工作也願做。諗深一層，你自己又係咪「藝術家性格」呢？如果係，真係要調整下自己關於金錢嘅想法，唔好再幫老細做義工呀。

來源：Metro

【相關搜尋】4個星座天生藝術家

===================

19網輕鬆爆料熱線，歡迎舉報老細同事19惡行，立即click入去講畀我哋知啦