外國研究：嘈吵環境易令打工仔半年內辭職

公司多噪音，工作易分心，其實很正常，唔需要因此質疑自己嘅能力。據美國藍牙耳機公司Plantronics委託Oxford Economics所做嘅新研究指，大部分受訪打工仔女均稱，辦公室幾乎成日傳出噪音，以致缺乏安靜空間去專心工作或開會；若處身極度嘈吵嘅工作環境，最壞情況係，會令打工仔女好有可能會喺未來6個月內辭職。

該研究發現，開放式辦公室產生嘅噪音污染問題，達到「肆虐」程度。研究訪問了500名主管和打工仔女，當中有63%受訪員工稱，缺乏安靜嘅工作空間，對生產力、滿意度及幸福感等方面，均產生負面影響。

事實上，有75%受訪打工仔女稱，需到公司外邊散步避開噪音，令自己重新集中精神；另有32%話會一邊戴耳機，一邊工作來阻隔噪音嘅滋擾。真係撓埋雙手，工作絲毫不受噪音影響嘅人，實情只有1%做得到。

但有趣嘅係，逾半（54%）受訪主管認為，員工自己有辦法搞掂辦公室噪音問題，減輕注意力分散嘅情況，惟僅得29%員工對此表示認同。

老實講，點可以奢望整日坐房嘅管理層，能夠理解公司小薯們嘅痛苦呢？難怪研究顯示，處身極度嘈吵環境嘅話，打工仔女好大機會喺未來6個月內辭職。辦公室嘅噪音來源太多，無論係人為定非人為嘅，若自覺無法妥善解決，為咗自己嘅健康和前途著想，離開未嘗唔係一件好事。

來源：BR

【相關搜尋】在開放式辦公室最糟糕的事情

===================

19網輕鬆爆料熱線，歡迎舉報老細同事19惡行，立即click入去講畀我哋知啦