外國調查：三成打工仔 根本唔想做嘢

對絕大多數嘅打工仔女來講，返工嘅最大動力係人工；但唔想做嘢，欠缺工作動力的原因，就多不勝數啦。

早前顧問公司Motivates的一項調查指，有29%受訪打工仔女稱自己工作根本沒動力。而導致佢哋變成咁嘅原因，最多人話係「事業無甚進展」和「公司高層溝通欠佳」，剛好各佔25%。

該調查訪問了2000位英國打工仔，其他原因則包括：「公司不給予定期獎賞或讚賞」（24%）、「沒有良好的工作與生活平衡」（21%），以及「工作無挑戰性」（18%）。

當問到曾成功激勵自己認真工作嘅事，有21%回答「擁有良好工作與生活平衡」。畢竟返工日日OT，搞到幾乎「斷六親」，仲點會有心機做落去。此外，有20%稱「年齡相若嘅好同事互相鼓勵」；另有15%嘅人稱，因為有個擅長說「Thank you」嘅老闆。至於因為工作環境嘅關係，或有個能力很好嘅上司，則各佔12%。

雖則好多時候，打工仔女只想動力同人工成正比。但調查顯示，撇開金錢唔講，有40%嘅人稱工作上獲得嘅滿足感，為工作帶來更大推動力；其次為「享受一般工作」（39%）、「工作保障」（34%）、「獲得鼓勵和稱讚」（32%），以及重視團隊合作（27%）。

係人都鍾意有人欣賞、有人讚，如果可以加埋人工同獎金的話就「perfect池」啦。

來源：Employee Benefits

【相關搜尋】開會「扮工」10個救命技巧

===================

19網輕鬆爆料熱線，歡迎舉報老細同事19惡行，立即click入去講畀我哋知啦