外國調查:23%打工仔女稱上司寫評核兒戲
凡事都講增值,無論做邊行,打工仔女表現得好學啲無蝕底。不過,就算真心好學,想報course進修都唔易,到頭來又係錢作怪。若然公司唔肯提供時間或資助,你就算想飛都無計。
據人力資源管理公司Bridge一項調查指,98%受訪英國打工仔女稱,公司有否學習機會,係決定去留嘅重要考量,無疑印證了「九成九走人」的道理;另有70%更坦言,選擇工作時,最重要睇公司有無發展機會。
調查又發現,72%人稱因為想把工作做好,才覺得自己需要學更多知識。當中60%希望由自己掌控學習時間和方式,而16%則希望由公司規劃培訓和發展模式;另有24%表示,想用工餘時間參與培訓,完全係老細眼中嘅模範員工。
調查續指,超過一半(53%)受訪者表示,唔知自己點樣可以為公司貢獻。事實上,又來到一年一度令打工仔女好苦惱的「表現評核」時間。表現評核嘅結果好與壞,唔多唔少影響到佢哋嘅加薪幅度,甚至晉升機會。不過,原來唔少人都覺得,上司根本無認真去寫。據調查指,23%嘅人覺得上司寫評核,好似當做「剔勾」練習咁兒戲;14%則稱,上司無乜為此做過準備或跟進;另有10%指上司稱「無時間」完成評估。
雖則話公司唔係學校,但如果從中一啲得著都無,老細又無視自己嘅付出,咁呢個地方仲有留戀價值嗎?有能力的人,值得得到更好、更多,早走早解脫啊。
===================
19網輕鬆爆料熱線,歡迎舉報老細同事19惡行,立即click入去講畀我哋知啦