外國調查：45%打工仔稱 每日實質工作５個鐘

每日返足8小時都未夠，仲要晚晚OT，喺大部分香港打工仔嘅辛酸寫照。工作量過多係一個問題；但更多時候，人先係最大問題。老細和同事未動身走人，就算手腳快做好所有事，仍然唔敢先離座收工，怕有說話聽，怕會留下壞印象，只好委屈自己扮忙，將工作拖長來做。 事實上，據Workforce Institute 及 Future Workplace合作嘅調查指，有45%受訪打工仔女稱，如果工作時無受到打擾，每日實質完成工作，唔使5個鐘。 當然，重點係「如果」。皆因平時返工，會打擾到工作嘅事太多，例如被廢話連篇嘅老細捉去開會，被高談闊論聊八卦嘅同事嘈到，被超級麻煩嘅客戶纏住等；手機更是最大誘惑，隨手滑一滑，光陰便溜走。 該調查訪問了3000位來自北美、歐洲、澳洲和印度嘅打工仔女。結果顯示，在薪酬不變嘅大前提下，話會揀傳統5天工作週嘅人，僅佔28%；至於選擇3天和4天工作週嘅，分別佔20%和34%。 有得揀嘅話，邊個想日日返工啊？每週有個Long weekend，幻想一下都好開心，但對香港嘅打工仔女來講，係一個超級遙遠嘅夢，係時候要醒，因為又夠鐘開工啦。 來源：BI【相關搜尋】搵工中伏大全

===================

19網輕鬆爆料熱線，歡迎舉報老細同事19惡行，立即click入去講畀我哋知啦