外國調查:93%打工仔接受AI「膠層」
近年唔少人話,打工仔女要保住飯碗,佢哋未來面臨最大嘅敵人,唔係身邊同事或行家,而係機械人。
事實上,科技愈見發達,工作上需要人工智能(AI)嘅幫助係大趨所勢。據市場研究機構Gartner預測,到2020年,人工智能將會取代180萬個職位,但同時亦會創造230萬個職位;而到2022年,每5個打工仔,就有1個工作要靠人工智能支持。
現實中,究竟打工仔係咪咁抗拒人工智能呢?據甲骨文(Oracle)和研究公司Future Workplace合作嘅「AI at Work」調查,共有1320位受訪者,包括HR主管及一般打工仔女。結果發現,有93%受訪打工仔女稱信任機械人發出嘅工作指令。原來大家對AI做上司,都唔算太抗拒。
另外,從現實層面,認為唔用人工智能會對自己嘅事業、身邊同事及公司造成負面影響嘅受訪HR主管及打工仔女,分別佔79%及60%。
不過數據顯示,職場AI應用仍然係相當少,日常生活中,有70%受訪者正使用某種形式嘅人工智力設備,但同時職場上,只有24%員工正在使人工智能設備,並僅得6%HR正積極為公司引入相關技術。
小編覺得,班「膠層」唔好以為AI取代唔到佢哋,只要有益於公司,我係老細都會換晒班「膠層」。作為公司基層員工,聽機械人支笛,隨時仲有益過聽「膠層」廢噏,至少機械人落指示有邏輯,對事唔對人,唔會隔兩日又要變掛:「呢單咁瀨嘢,我無講過要做喎。」
來源:ITPRO
===================
19網輕鬆爆料熱線,歡迎舉報老細同事19惡行,立即click入去講畀我哋知啦