雅虎香港財經 
姜濤是香港人寫照 做到暈低為儲首期
MIRROR成員姜濤出席活動時突然暈倒，成為今日香港一個震撼彈。對姜濤努力返工做好自己做到暈低，全港「姜糖」都感到非常心痛。
翻查姜濤訪問透露，這位廣告商人氣王，其實同普通香港人一樣，但求在港安居樂業，第一桶金都係想買樓，為儲首期夢想，似乎真的豁了出去，照姜濤近日回答，仍未儲滿首期。
美股、外匯、加密貨幣免費即時報價，自選投資組合獲取相關新聞提示
紅磡新盤入場費等於吃155年譚仔
香港年輕人不吃不喝難買樓已不是新聞，就以紅磡新盤曼翹「屯馬興奮價」的入場費332萬元計算，款項足夠光顧56849次譚仔（最新上市資料顯示人均消費58.4元），首期相當於吃155年譚仔米線，試問普通年輕人又怎敢奢望買樓？
相關報道：
搵食能力難永遠上升
樓價貴唔緊要，賺錢能力增幅強如姜濤總有一天會買到？然而中原又話樓價升10%，美聯又話維持13%增幅，升勢似永無止境，年輕人搵食能力又可唔可以永遠上升呢？醒目姜濤一早睇通做人唔可以臨渴掘井，於訪問中說過自己危機意識很重，覺得雖然初時賺錢順利，卻怕有一天做得不好會失去所有，所以好努力去做。
劉鳴煒買樓理論過時
本身不愛買名牌的姜濤，疫情下也不會去日本旅遊，「Package劉」劉鳴煒的唔去日本買到樓的理論已不管用，但點解今日全港人氣王，做到暈低都未夠首期呢？特首林鄭既然就《施政報告》去問中學生意見，會唔會都去問下姜濤？
相關報道：
