實而不華的夏萍
最近小編喺公司發呆時,上網見到有人分享《九品芝麻官》入面,將鹹魚當成尚方寶劍一幕。點知唔夠半日,就聽到著名綠葉演員夏萍(原名:盧少萍)離世嘅消息,無錯,戲中遞上尚方寶劍的,正正就係人稱(Apple姐)嘅夏萍。
每次大台有綠葉離去,小編都好唔開心,因為小編一直覺得,綠葉有最優良嘅香港打工仔特質:
實而不華
毋忘初心
待人有禮
但就比較少人識貨。
你可以話,佢哋普遍都有果種獅子山下嘅奮鬥精神;老細點對佢哋係一回事,而佢地哋以咩態度去面對呢個世界係另一回事;喺綠葉身上,你總會搵到令人尊敬嘅特質。
夏萍18歲考入電影公司拍攝粵語長片,第一部電影係吳回執導嘅《勾魂使者》,吳回就幫佢改咗夏萍呢個藝名;70年代加入邵氏,82年轉投無綫,拍過無數電影同電視劇。
小編唔係娛圈中人,明星都只係識幾個,但對離開了才令人惋惜嘅綠葉,想借少少空間致敬一下。
截稿時得知「上等人」梁舜燕都享年90歲離開了,佢孫仔話佢「一生無憾」。
各位打工仔平日點偷懶都好,記得都要對得住自己「一生無憾」,唔好以為呢度主張「無精神」。扮工只係為咗休息,做更多嘅Job。
===================
19網輕鬆爆料熱線,歡迎舉報老細同事19惡行,立即click入去講畀我哋知啦