雅虎香港財經 
工作非人生的全部 別讓工作變成你的生活｜Work life Balance｜向OT說不
Work life Balance，相信係香港每個打工仔嘅夢想，如果實現得到，應該都算係一個神蹟嚟。
撰文：藍橘子 ｜ 圖片：新傳媒資料室、網上圖片
延伸閱讀：
財務自由 | 39歲退休要靠被動收入 朝朝瞓到十一點都得 | Ann姐上岸原理
Work life Balance
新婚未夠半年嘅阿Ray，一直諗盡辦法去Balance，但好可惜，不論佢提早起身返公司，搭車已經開始做嘢都好。
佢嘅生活依然畀滿滿嘅工作包圍住。有一次，阿Ray搵朋友去酒吧訴苦，佢成個人都憔悴咗好多。
最恐怖嘅係，佢每次聽到電話有訊息，就會嚇到成個人震一震。我哋問佢咩事，佢愈講愈激動，仲喊咗出嚟。
「我只係想返到屋企，同老婆煮飯，睇套戲啫。點解咁簡單都做唔到？有時我返到屋企，食完飯洗埋碗已經差唔多要訓覺，聽朝一早又要起身。我真係頂唔順…」
我哋建議Ray放個假去旅行放鬆一下心情。
返工最慘唔係OT，而係返到屋企要繼續做
點知佢話有幾個大客好「痴身」，老闆平時唔會返公司，但會夜晚Keep住發訊息催你進度。
就算放工返到屋企，放假去旅行，都要帶部電腦不停工作或講電話，根本無一秒可以逃離到「工作」兩個字。
相信好多人都同Ray差不多，所謂嘅放工，只係個人離開咗公司，但工作依然要繼續…
長久下去對唔單止對工作無晒熱誠，連生活都一潭死水，就算遇到自己鍾意嘅電影、玩具、漫畫…都無時間睇。
呢種辛勞旋渦會令你面對所有事物都處於放棄嘅態度。
唔好畀工作變成你嘅生活
通常呢種人心裡都懷著一個信念，就係「唔緊要，我辭職就得㗎啦～頂唔順就辭職囉～」
但當你習慣咗被奴役，就會對辭職產生一種畏懼，反而覺得自己每一分每一秒都工作緊，有一種莫名嘅安全感。
工作唔係人生嘅全部，只係生活嘅其中一部分。千祈唔好畀工作變成你嘅生活，及早回頭是岸。
為何我們不爽工作 卻對工作以外的事滿腔熱誠 因為老闆做錯了這３件事
外國父母「放養」教育策略 任兒子吃薯條吃到病
延伸閱讀：
