【廣告業熱話】究竟係創意定係大意?
經濟唔好,政治氣氛差,廣告界本來都灰灰地,但勢估唔到,呢幾日都仲有廣告可以引起業界同市民嘅熱論。唔信睇吓以下由網民影嘅某時尚品牌喺地鐵站落嘅廣告啦!
相信大家睇到呢個廣告,會出現兩種反應。一種係會心微笑,另一種係「有冇搞錯」。廣告產品位置變咗做港鐵垃圾桶,有人覺得係創意營銷,有人覺得係唔夠敏感、拖垮品牌。
有業內人士就認為,平時有垃圾桶、signage , 都要有clearance,仲要同條柱唔可以咁接近嘅顏色,莫非廣告或者marketing同事近排忙緊其他嘢,唔得閒做censorship?
有唔少人亦認同,好多人做完個廣告plan 就算,冇諗過execution 上會遇到嘅問題。
但有樂觀派行家就認定近來呢個品牌喺instagram 嘅風格,覺得佢哋係專登咁做。亦有人覺得呢個銀色手袋,咁樣睇幾靚。
但不能否認,呢條廣告柱係最吸引人望,而且在淡靜一片嘅廣告入面成功跑出,彰顯廣告價值呀!
來源:facebook
===================
19網輕鬆爆料熱線,歡迎舉報老細同事19惡行,立即click入去講畀我哋知啦