【心理關口】人工3萬5最難轉工?
職場好現實,大家睇錢做人,如果求職者要求嘅人工在2萬至2萬5呢種公司容易接受嘅範圍,只要求職者係正正常常,一般都會請,唔會有太大顧慮。但如果求職者要求嘅人工超過3萬,甚至去到3萬5,公司要拎呢筆錢出來請人,就開始謹慎,求職者要用好大力氣說服公司:
「點解你值呢個價? 」
有網民就話自己人工3萬5,屬經理級,想轉工、想跳槽,但搵咗3年都一無所獲,反省緊自己係唔係因為成日轉工,七年轉五份工,所以一下子先去到3萬5呢個人工。老闆拎完3萬5呢個話多唔多、話少唔少嘅budget,自然要諗過度過,擔心有可能請咗個jumpy人返來,變咗成為人哋再次加人工嘅跳板。
亦有人分析,3萬5呢算係一般中小企業價,但一定未到頂,大公司經理級嘅經理人工閒閒地都有4萬至5萬。所以呢位打工仔豐富嘅「跳槽」經驗,成為咗佢嘅負資產,令人有所保留。
但講到最啱聽果句,拎得3萬5呢個人工,如果真係有料,一定係工搵你,多過你搵工!你話係咪咁難轉工?
===================
19網輕鬆爆料熱線,歡迎舉報老細同事19惡行,立即click入去講畀我哋知啦