【扮工家變】老婆問老公:日日車女同事究竟博乜?
男同事返工,有兩樣嘢唔可以畀女同事知,一樣係「有冇車」,另一樣就係住邊,因為當畀女同事掌握晒呢兩樣重要資訊,男同事就走都走唔甩。
小編朋友正正係呢個處境,因為平日揸BMW返工,而且家住新界大西北,所以即使佢係有婦之夫,一到返工放工,幾乎都俾一大班女包圍,原因好顯而易見,就係要癡車坐。
據說呢班女同事仲好唔客氣咁,日日都whatsapp問呢位男同事幾時出門口,想同事兜埋自己返工,更加被人𥄫實幾點放工,因為要坐順風車,班女同事仲指定埋落車位,有人南昌落、有人荃灣落、仲有人直落到坐到元朗,老實不客氣。
但就因為咁,同事老婆開始有微言,問老公做咩要載女同事返工放工,究竟博乜?因為車開女同事,所以一時三刻亦好難拒絕同事。老婆忍唔住仲話要離婚,搞到同事唔知點收科。
如果係你,你又會點做?
直接同同事講老婆唔鐘意
扮有事唔順路
光明正大唔理老婆
唔再揸車返工
小編聽朋友講完一句「有個女同事真係好得」之後,就非常擔心佢,希望佢可以大步檻過啦﹗