【扮工收風】上司亂claim公數 被老細警告
知唔知乜係打工皇帝?就係完全當公司採購部同財政部冇到,然後隻手遮天亂開公數嘅上司,覺得連老闆都奈自己唔何,點知最後瀨晒嘢。
話說有位上司恃住自己係睇晒成個公關部,於是濫權咁起勢用公司錢去攞著數,包括亂claim的士單同食飯錢,連放工嘅的士錢都照claim,同朋友私下食飯嘅錢亦claim,用公數買紀念品送俾自己,但就假借唔同名目,例如扮係同客食飯、送禮、有時就扮接見生意夥伴,其實大部分都係私人聚會。
上得山多終遇虎,大老闆終於發現上司claim嘅單不尋常地多,於是有一日召咗上司照肺,逐張單逐張單問佢食咗咩飯、目的係乜、達到咩成效,仲要上司放返份report解釋。
一班下屬知道後都極其心涼,無計,上司人緣差、寬待自己、嚴對下屬,所以下屬見到上司瀨嘢,都完全無丁點憐憫,覺得佢自己攞嚟,仲希望上司最後一蚊都claim唔到,咁就皆大歡喜。
===================
19網輕鬆爆料熱線,歡迎舉報老細同事19惡行,立即click入去講畀我哋知啦