【扮工收風】上司問「點解你哋同一區,一個準時,一個遲到」
呢條問題非常難答,但小編在多個朋友whatsapp group入面都收到有人俾老闆咁問,打工仔聽完都唔知點反應。
話說有朋友昨日在同事whatsapp group 打話自己被困大埔火車站,講到明會遲到,點知另一位在大埔住的同事竟然在whatspp group入面影咗張工作枱的相,然後寫咗句「達陣」。呢個強烈對比引來上司在group內開聲問:「點解你哋住同一區,一個準時,一個遲到?」group內全部人都不敢發言。
最後朋友明查暗訪下,先至知道原來呢位準時返到公司嘅同事六點前已經到咗火車站,等第一班火車返工,所以先至準時到。而朋友已經比平時早咗半小時出門,但遇上人流管制,最後都遲晒大到。
所以正當上司問點解時,朋友因為太嬲,覺得上司擺明串佢,於是回咗一句:「因為一個奴性強、一個惰性強囉!」佢承認自己未夠奴性,未足以令佢為咗遷就交通而提早出門,但如果上司咁都要抽秤,佢就已經預備好辭職信一封,準備隨時就雙手奉上。
所以小編都好認同打工仔有時要強硬一啲,唔好俾上司覺得自己好蝦,反而應該食住道氣,狠狠回上司一句,等對方冇聲出。
註:上司最後係冇再出過聲
===================
19網輕鬆爆料熱線,歡迎舉報老細同事19惡行,立即click入去講畀我哋知啦