【扮工收風】做錯事俾上司扭耳仔
辦公室就好似學校嘅縮影,每一日都好似聽緊書,做錯嘢、答錯問題就會俾老師罰。
最近有朋友每日返工就好似返學咁,因為一唔小心做錯嘢就會俾上司當眾「扭耳仔」,場面非常尷尬。
小編男性朋友忍唔住分享佢工作做得唔開心嘅地方,其中一樣極度困擾佢就係,成日失驚無神因為做錯事俾男上司「扭耳仔」,無錯,係男上司,仲要係大庭廣眾,完全無尊嚴可言。
做乜錯事扭耳仔呢?例如交遲份report、講錯一句說話、交代漏嘢、入錯數據等,就會即刻被罰,仲要俾人扭得勁大力,完全feel到女同事喺旁邊側目同竊笑。
小編睇完以上經歷,唔敢問朋友點解咁多錯處俾人捉。
朋友勁想send email同HR投訴,但為咗保住份工,最後都決定忍多陣;有冇高手教吓路,可以點解決呢個問題呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦