【扮工收風】內地專才 碩士畢業叫價一萬幾
前交銀高層羅家聰因為無「香港人」而被離職一事,繼續引發討論。
有人找出入境處數字,話近年內地專才的確勢不可擋,過去一年有超過23000萬人來港工作,搶中環人飯碗。
小編幾個群組今日都講緊,有金融朋友感慨,一早已經有iBank講明唔請本地畢業,好多大行鍾意請內地人貪有network;而最吸引嘅係成本,幾個朋友公司都有內地碩士畢業生,來港叫價都只係一萬幾千蚊,朋友話,老細都係有少少貪平心態,因為請本地的,無經驗新人點都18000。
雖然呢班碩士畢業生,根據朋友經驗,通常都做唔長,但公司無有怕,一個人走咗,又會有另一位內地平價專才填滿。
內地人口基數大,碩士畢業用「洗碗價」同你爭份工,香港年輕人點競爭真係一個難題。
===================
19網輕鬆爆料熱線,歡迎舉報老細同事19惡行,立即click入去講畀我哋知啦