【扮工收風】同事旅行滯留機場 返唔到工
昨日一場機場運動,政府晚上六點就封咗個機場,唔俾航班升降。有同事原本六點幾落機返香港,已經飛到來香港上空,都話唔俾降落,要附近搵個機場停一停,加一加油,然後原機折返當地。
同事仲話,一來一回用咗八個鐘,返到當地已經凌晨一點,要滯留機場,航空公司派晒睡袋、準備晒咖啡、茶同麵包,安撫大家,之但係就拒絕安排住宿,話想聚集所有人在特定區域,當收到消息,話香港機場開返,就會即刻安排大家返香港。
同事知道第日一定返唔到工,立即同老細請假,老細當然問幾時返到工啦,但航空公司話就算有得起飛,都係有小朋友嘅家庭優先,加上唔會因爲今次情況增加特別航班。眼見機場運動今日應該會繼續,所以都講唔埋可以幾時返到香港。
聽到呢個答案,老細當然唔收貨啦,但作為打工仔,都好被動,唯有send張滯留相俾老闆,話晒都叫有圖有真相,有怪莫怪呀!
(小編無意爭論「邊個唔啱」,只為大家報道真實個案)
===================
19網輕鬆爆料熱線,歡迎舉報老細同事19惡行,立即click入去講畀我哋知啦