【扮工收風】同事每日自製兩個鐘午餐
某大型上市公司雖然要拍卡返工,但公司上上下下都冇人會check出勤紀錄,所以方便咗好多同事可以得閒偷吓懶,遲到早退都唔多覺。
最近有朋友密密觀察,發現有同事原來仲每日自製長達兩個鐘嘅午飯時間,非常過份。
正常官方嘅午飯時間本身已經好長,由下午十二點半去到兩點鐘,有成一個半鐘。但有同事竟然幾乎每一日,都12點鐘離開咗個位,然後一去無回頭,唔到兩點幾都唔見人。
因為實在太明顯,同事一到中午十二點就搵唔到人,後來有次有人仲直接吊住呢位同事尾,先證實到佢真係提早放飯。
無奈嘅係,公司唔會有人理呢啲嘢,除非有金手指向上司告密,否則呢啲吞pop事件會一直不被發現。
如果係你,你會告密定係一齊放lunch?
===================
19網輕鬆爆料熱線,歡迎舉報老細同事19惡行,立即click入去講畀我哋知啦