【扮工收風】同事食lunch奇聞 無電子貨幣易被走數
終於明白點解有啲同事,會唔鍾意太伙兒出去食飯,因為食飯計錢嘅問題真係千奇百趣,以下將朋友見識過嘅例子,一一列舉出來:
人人裝pay me,冇pay me的同事次次食飯都一定俾人歧,兼有說話聽,「乜你咁out㗎」。
冇pay me的話,90%機會率係收唔到錢,最常聽見「我冇現金,不如pay me你。吓你冇pay me,咁我要聽日先俾到你」,真相係聽日就冇咗回事。
埋單就算大家叫嘅嘢食只係相差幾蚊,但有同事死都唔肯就咁除開,堅持自己個餐平一蚊。
聽聞有人食譚仔,紅油白肉逐片計,食得多俾得多,大細土匪都係單數,雙數人食lunch就煩了。
尾數1蚊都除3份,勁誇張。
至弊同事們好多都冇記性,就算自己mark低咗對方未俾錢,去追數果陣,對方都堅稱自己俾咗,到頭來搞到自己好似想攞人著數咁。
打工仔有冇人都身同感受?有冇仲誇張嘅例子,等你一齊交換吓,擴闊吓視嘢!
===================
19網輕鬆爆料熱線,歡迎舉報老細同事19惡行,立即click入去講畀我哋知啦