【扮工收風】小店職員返工每分鐘 都同你計
小編朋友在觀塘開精品小店,請親員工都係年輕一輩,但就問題天天都多,令到呢位老闆非常頭痕,完全唔知點應對好。
就好似早幾日,有位全職女同事返工同佢講:「我上個月返多咗兩個半鐘,下個月係咪可以扣返?」呢條問題完全殺老闆一個措手不及,老闆都load咗一load先整理到思緒。
第一:佢唔係每日OT兩個半鐘,而係一個月計,返多咗兩個半鐘。
第二:呢位同事唔係講緊某一日返多咗兩個半鐘咁喎,而係有三日就半個鐘,有一日就一個鐘咁嘅情況。
第三:佢係全職員工、唔係兼職。返工冇可能每分鐘都計住。
女職員就堅持自己真係返多咗,最好公司可以補返俾佢。由於牛頭唔搭馬嘴,呢位老闆都開始冇佢咁好氣,唯有說服自己,其實呢位後生女都幾好吖,起碼肯返工吖,起碼唔係玩兩日就話唔撈走左去吖……
===================
19網輕鬆爆料熱線,歡迎舉報老細同事19惡行,立即click入去講畀我哋知啦