【扮工收風】「山竹」當值員工 管理公司終派3000蚊獎勵
早前山竹襲港,好多奴性極重嘅打工仔想準時返工都失敗,結果搞到被扣錢之餘,連勤工都冇埋。正當你對呢個世界失去希望之際,有打工仔竟然收到管理公司老闆嘅謝意,向9月16日當日10號風球當值嘅員工派$3000特津貼,贏得公司上下掌聲!
唔只搵命搏嘅同事有獎勵,連打風後無懼交通大擠塞、大樹擋路、誓死返工嘅同事,都有$200百佳禮券,以管理公司上上下下咁多人計,呢筆獎勵成本都唔細。
呢間管理公司仲多謝員工在惡劣天氣下的貢獻,充分展現團隊精神。睇到小編非常滾動,搞到自己都想成為當中一分子。
特此分享,希望天下僱主虛心學習,好好借鏡。
===================
19網輕鬆爆料熱線,歡迎舉報老細同事19惡行,立即click入去講畀我哋知啦