【扮工收風】放工住劏房 返工坐劏位
香港打工仔好慘,返工坐劏位,放工住劏房,全年356日全天候困喺狹窄空間,難怪脾氣暴躁。住屋就話冇得揀,但office空間就唔係咁講喇,唔怪得有打工仔死都要投訴!
其中一位朋友任職的公司要擴張,為咗慳租,又唔擴大個office,但呢幾年又不斷請人,結果呢?就換來人事部夾埋行政部不斷喺辦公室「劏位」。
同事由原本一人一個大位,慢慢變做豬肉枱,扮晒open office咁。到最近連豬肉枱都要背貼背咁坐。基本上同事一企起身,張櫈一定會撞到前後左右位。
所以最近有同事忍唔住,決定send email向HR投訴,仲話如果情況一個月都冇改善,就會向最多人睇嘅傳媒報料,話間公司辦公室setting唔符合法例要求。
玩到咁大,HR當然即刻做嘢啦。日前已經極速搵人重新度位喇,仲俾錢租多間幾千呎小型office,都叫裝到幾個部門嘅人。HR真係唔鬧唔鬆化呀!
===================
19網輕鬆爆料熱線,歡迎舉報老細同事19惡行,立即click入去講畀我哋知啦