【扮工收風】有公司免息借首期俾員工買樓
今日小編終於領教到一間公司留人嘅最高境界,就係憂員工之憂。係人都知,打工仔窮一生為「上車」日做夜做,要令員工對公司忠心不二、死心塌地,就係借首期俾佢買樓!
小編收到風,最近有大公司出咗通告,話免息借錢俾同事買樓,但要成功申請,要符合以下條件:
要首置,從未買過樓;
要做夠5年;
要係Permanent Staff(長工)
只要符合呢3大條件,你就可以借向公司借你人工嘅24個月做首期,假設你人工3萬,即係可以借72萬,自己補多少少;如果你人工有5萬,即可借足120萬仲要免息,都咪話唔心動。
不過好多嘢都係等價交換,因為員工最長可以揀分20幾年還,即係要俾公司綁足20年。想轉工?還晒錢先講啦!
聽到呢個「賣身plan」,小編只係想講一句:這些機會……