【扮工收風】煤氣公司上司呼籲下屬:請參加兒子生日會
好多人形容返工就係湊上司同老闆,但如果要湊埋上司同老闆嘅仔仔女女,咁打工仔手上份人工又應該點計?
以下呢個係在煤氣公司打工嘅朋友嘅真實故事,話說前幾日佢在公司群組入面收到一段來自上司嘅whatsapp,話佢個仔1月生日,月底個星期六book咗個場,同仔仔搞咗個生日會,仲話已經check咗公司果日冇event,所以同事們應該都大機會可以參加。
上司仲提醒各位同事唔使夾錢,因為場地同活動錢佢出晒,而同事們只要買份生日禮物就可以參加,隨後仲附送一張禮物wish list,叫同事夾吓邊個買邊份,唔好撞,睇到班下屬O晒嘴。
同事私下大鬧上司遲通知,擺明係「搵人湊人數」,亦覺得上司冇可能老奉覺得下屬要參加兼夾買禮物,但為咗令上司有好印象,保住4月嘅人工加幅同bonus,所以無奈都要出席。
而最後嘅重點係,wish list有埋牌子名,唔怕同事買返來唔啱心水,果然係有晒方向,100%領導能力及老闆思維,一眾打工仔都甘拜下風!
===================
19網輕鬆爆料熱線,歡迎舉報老細同事19惡行,立即click入去講畀我哋知啦