【扮工收風】老細警告點都唔准遲到
小編有位PR朋友,佢老細係個會留意時事嘅人。睇完槍擊同火燒新聞之後,原以為佢會話大家呢幾日彈性上班,點知佢先小人後君子咁話:「無論點都好,返工唔准遲到。」令一眾同事無言。
老闆講得好好聽㗎,話呢一個唔係突發事故,係有預警、有組織、預先張揚,所以同事有足夠嘅能力同時間避開同應對,尤其大家係專業嘅PR,更加應該有危機處理嘅意識,所以點都要準時返工。
老闆之所以失驚無神咁講,係因為上次又係因為阻返工行動,一個朝早部門有成一半人唔喺度,搞到老闆俾隔離組主管串咗句:
「咦,乜你嗰邊啲同事收唔到風咩」
老闆因爲覺得無面,聽聞今次先溫馨提示各位。
不過下屬似乎唔多受落,仲講到明會照平時咁去搭車,無可能特登提早六點上車,即管睇吓呢幾日佢老闆會唔會發老脾先。
===================
19網輕鬆爆料熱線,歡迎舉報老細同事19惡行,立即click入去講畀我哋知啦