廣告
香港股市 已收市
  • 恒指

    16,541.42
    +148.58 (+0.91%)
     
  • 國指

    5,810.79
    +82.66 (+1.44%)
     
  • 上證綜指

    3,041.17
    +30.50 (+1.01%)
     
  • 滬深300

    3,537.48
    +16.52 (+0.47%)
     
  • 美元

    7.8256
    0.0000 (0.00%)
     
  • 人民幣

    0.9221
    -0.0007 (-0.08%)
     
  • 道指

    39,807.37
    +47.29 (+0.12%)
     
  • 標普 500

    5,254.35
    +5.86 (+0.11%)
     
  • 納指

    16,379.46
    -20.06 (-0.12%)
     
  • 日圓

    0.0515
    +0.0000 (+0.02%)
     
  • 歐元

    8.4384
    -0.0022 (-0.03%)
     
  • 英鎊

    9.8730
    -0.0030 (-0.03%)
     
  • 紐約期油

    83.11
    -0.06 (-0.07%)
     
  • 金價

    2,254.80
    +16.40 (+0.73%)
     
  • Bitcoin

    69,876.67
    -584.75 (-0.83%)
     
  • CMC Crypto 200

    885.54
    0.00 (0.00%)
     

【投資專欄】科技股估值合理又如何?技術面大獲,政府打壓力度開始入肉⋯(弩飛投資)

以下文章獲Blogger「弩飛投資」授權轉載,不代表Market Digest的平台立場。
以下文章於7月24日首次發佈。

呢段時間:美股強、A股強,港股獨弱。

市場對港股弱勢主要有以下嘅基本睇法:

1)資金流動性不足(本地資金只係佔13%,短期唔夠錢炒上去);

2)香港嘅monetary policy跟美股,所以相對A股有收水風險;

3)受打壓嘅係香港指數權重較高嘅行業,所以影響整體情緒

我同意呢啲因素帶來嘅負面影響,但認為只可以解釋一部份股價調整嘅原因,而非向下突破嘅情況,so there must be something more than that!

我喺判斷出錯,點算?一文提到:「而家我心入邊開始諗緊第二個storyline,由於同政治野有關,所以唔方便喺呢度寫太多,但係香港身為中美夾住嘅二線市場,我擔心嚟緊嘅走勢會唔會同2018年有相似嘅地方」。當中曾經提過今年嘅走勢有可能係2018年嘅翻版,看似係巧合,但係背後嘅原因有相似嘅地方。

之前都提到,當我六月尾入科技股嘅時候,我嘅conviction係政府需要做嘅打壓措施已經差唔多,當時嘅估值亦都相當合理,可以做一個中長線嘅部署。但過咗一陣之後放返晒貨,唔單止因為技術面出事,主要因為政府嘅打壓嘅力度開始「入肉」,滴滴係第一個較為清楚啲嘅例子,教育行業係第二個。而我認為呢種「入肉」嘅力度係非必要嘅(例如2019年政府限制遊戲發行,主要都係唔想小朋友沉迷,但係唔會毁滅成個行業),除非有另外嘅誘因,而暫時諗到嘅係「將中概股回流所引發嘅金融戰」。

廣告

特朗普之前要求制裁中資股同埋中概股退市,短期可以影響股價,但長期不合乎經濟利益。以中國嘅立場,佢由day one開始都唔係太想優質嘅公司去美國上市(瑞幸咖啡當然冇所謂,上海朋友笑稱係美國人請我哋飲咖啡),優質中概股透過VIE架構喺海外上市,避開中國對外國投資嘅限制,再將係中國賺到嘅錢交俾持股嘅外國投資者,並唔係中國希望見到嘅情況。相信特朗普都知道優質嘅中概股有呢個特性,所以以前所制裁嘅公司都係比較差嘅國企,而唔想影響幫美國資金賺緊錢嘅優質中概股。因此,中美金融脫鈎,對美國長遠來講其實係弊多於利。

當成個世界嘅股票市場喺無限QE嘅影響下變得越嚟越唔穩定,美國同中國對股市分別採取唔同嘅策略:美國不停托上去,中國唔介意中短期「壓彈弓」,其實冇對錯,只係大家嘅策略周期有分別。

今次同2018年相似嘅地方係由於中美之間嘅磨擦,導致某部份嘅中國股票受到下行壓力(上次喺美國貿易上嘅壓力、今次係中國監管上嘅壓力)。但今次金融戰同上次貿易戰最大嘅分別:上次係美方做主動,中方係防守;今次係中方做主動,睇一睇美方點樣反應。但係由於今次外資持倉嘅中國企業會係戰場主軸,而呢一類公司有大量喺香港上市,所以可以解釋到香港市場點解相對美股同A股特別弱(美股同A股都有一部份自己本地資金持倉嘅本地公司,所以整體市場影響冇咁大)。但係可以放心嘅係,雖然中方嘅打壓強勁,但係亦都留有後路,例如係打壓滴滴嘅同時,會遇到「中國據悉考慮在數據安全審查中豁免赴香港上市的公司」嘅情況。

最後,講一講近排嘅操作,嚟緊嘅判斷係港股同中概股繼續相對美股同A股弱勢,所以除咗之前揸住30%倉位嘅A股股票同指數之外,係恆指反彈到28000嘅時候(即係上個星期),加多左唔少7500(兩倍逆向恆指ETF)。仲記得2018年嘅時候,我空倉過咗個跌市,但我之後係咁同自己講:「如果俾我再次遇到2018年情況,我一定買重7500」,而今次我係迫自己進行呢個execution。睇返果年嘅情況,中間好輕易會有反彈千幾點嘅時間,所以星期四即使升500點,7500被夾,但由於conviction比較強,坐得比較穩(咁當然因為成交唔夠多,強勢momentum股轉弱,弱勢股大反彈,所以唔係好擔心,而且同 Trade With Rain 港股美股投資 飲緊啤酒,冇extra再加倉7500)。

最最後,上次韓國仔嘅Archegos係科網股嘅調整下,受到咁強烈嘅虧損,燒親幾間投行,呢轉教育股+中概股嘅衝擊,會唔會又引發另一輪嘅激烈虧損?

*文章獲弩飛投資授權刊登,原標題為《金融戰嘅猜想

免責聲明:本網刊載的所有投資意見,只可作參考用途。讀者在作出投資決定前理應審慎,並主動掌握市場最新狀況。若不幸招致任何損失,概與本網無關。而本集團旗下網站或社交平台的網誌內容及觀點,僅屬筆者個人意見,與本集團立場無關。本集團旗下網站對因上述人士張貼之資訊內容所帶來之損失或損害概不負責。

原文

你或許有興趣
【市場熱話】中證監指「無意傷害行業」,教育股、科技股集體暴力反彈
【投資專欄】個市大起大落,唔識管理心理質素注定不會成功?(龔成)
【市場熱話】美聯儲議息後維持接近零息,港股今早彈748點重返26000水平
【市場熱話】多隻物管股回購兼發盈喜,物管板塊非政策短期針對目標?
【市場熱話】Cathie Wood繼續拋售中國股票,減持平安好醫生、美團及京東物流

如欲觀看更多相關文章,請瀏覽 Market Digest