日清食品 內地竟然交到靚數
是日港股亮點除了國泰虧轉盈兼大增派息,還有日清食品發盈喜,日清盈喜對散戶最有參考價值的地方,係點出內地強勁的窮風流商機。
日清食品表示預期截至六月底中期綜合溢利按年將大幅增加,主要得力於中國銷量增長及減低成本。而截至六月底中國業務收入為96.35億日圓,按年增長4.4%,經營溢利8.39億日圓,按年勁升1.02倍,而賺錢功臣係合味道品牌杯麵,日清食品亦強調會繼續擴充內地銷售版圖及強化合味道品牌。
在日清食品招股上市時,曾有高人撥冷水,指內地方便麵市場主要玩鬥平,日清食品售價相對離地應無運行。現在日清食品內地戰線交到靚數,增長引擎仲要係較為貴的合味道杯麵,確實令當初睇淡的高人大跌眼鏡。如果從宏觀經濟角度睇,貿易戰將全面開打,再加上內地製造業萎縮,內地中產難免會慳住荷包,但他們慳住使仍會有要求,所以會選擇減少外出用餐及叫外賣,改為享受貿素有保證的合味道杯麵,在經濟寒風中保持窮風流的生活態度。
假如內地中產齊齊過窮風流生活,最受惠必定係有優質品牌的慳錢恩物,除了日清食品,近來很快止趺回升的維他奶預計都會是窮風流商機的贏家。至於成衣,質料可靠又有品牌的迅銷,在窮風流大軍支持下,銷量保持增長應該唔難。
優質杯麵在內地賣得,亦可以想像中產一族會減少購買中高檔商品,所以奢侈品牌股票在歐洲跌完又跌,汽車股短期內亦難以扭轉弱勢。既然前景未明,大家日常生活慳多啲之餘,亦不妨睇價吸納這類窮風流股份,成功收割就可以捱少幾餐杯麵吧。
===============
精選資訊網站「中環街市」 臉書粉絲頁