【最新招聘】15K請家庭司機？

食米唔知米價，呢句說話好啱形容住喺半山嘅離地中產。最近社交媒體瘋傳一則招聘家庭司機嘅廣告，出價10-15K，負責揸車接載僱主同家人，平時要負責埋車嘅保養及清潔，喺半山羅便臣道取車。

返工時間分兩場，上午8點至中午12點，然後就下晝5點至夜晚8點，中間有幾個鐘落場時間。

招聘要求都唔簡單，中五程度但要有良好中英文，五年駕駛經驗，不煙不酒。

此招聘廣告一出，立即惹來大迴響。有人鬧呢位準僱主唔知市價，私人司機基本都18-19K一個月，而且要求非常唔合理，全日開工但中間要落場，只有半山鄰居先勝任，唔通真係中場拎架車去接uber生意？

加上每週工作5至6日，講明輪休，即係話星期日都要開工，紅日都要開工，佢叫你放假就放假，即係賣身做15K司機，試問點做？

有人仲分享半山區的私人司機嘅工作範圍，包括：

• 一人處理老闆的4部車，早上車完老闆回公司後，馬上回老闆家洗佢幾部車。

• 洗完車後，如果老板娘有什麼姨媽姑姐或她要用車，便要服侍。

• 旁晚跟著回老闆公司接佢回家便可以放工。

• 如果老闆出Trip，處理完佢幾部車後，老板娘又不用車的話，就可以早走回家。唔好開心得咁早，原來早走的時間，老板娘已經記低，用來代替OT錢！

咁嘅工，奉勸大家真係諗清楚先好做。

來源：facebook

===================

19網輕鬆爆料熱線，歡迎舉報老細同事19惡行，立即click入去講畀我哋知啦