【熱話】做私人醫生是不是為錢？

最近全城熱話引入海外醫生，今朝有電台節目甚至延伸討論，點解本土醫生會離開公立醫院，去做賺幾球的「星球醫生」？到底做醫生是單純為理想，還是為了錢？

小編以前有醫生朋友講過，「公轉私」就係分界線，只要離開了公院，目標就變成了錢；在公立醫院「食理想」頂唔順，終於要下海賺錢。

事實上3年前業界都有過問劵調查，問私人醫生做不做醫管局的兼職，結果顯示，70%私人醫生話唔做，係因為待遇不吸引。

做醫生，似乎不是單純為理想；可能初時為理想而入行，但做過公院的人曾經滄海難為水，最後都係會講錢，唔知大家同唔同意呢？

更重要的是，通常認為做醫生只為理想嘅人，都會話醫生係偉大職業；其實海外好少用「最偉大」、「只為理想」來形容醫生，始終職業無分貴賤，單單一個清潔工都可以好偉大，我們香港做保險的，不也是為理想嗎？講為理想，等於無講，份份工都可以為理想。

反而外國較多的是「最佳職業綜合排名」，唔會單講錢或講理想，做唔做得過，職業好唔好，係講好多因素；外國每年都有個100 Best Jobs，是否最好，睇以下幾方面：

• 好唔好pay

• 年復一年有無挑戰

• 是否適合自己才能

• 壓力不會太大

• 有work-life balance

• 晉升前景

而2019年的排名頭三甲是Software Developer、Statistician、Physician Assistant，牙醫只排第四，後面就是其他醫護職位。

如果以上述外國「最佳職業」條件，公院醫生單單壓力一環已經唔合格了，因為大家都知道，理想係唔可以當飯食。

===================

19網輕鬆爆料熱線，歡迎舉報老細同事19惡行，立即click入去講畀我哋知啦