【熱話】公司同事家屬是警察
小編向來都唔主張用職位同身份去睇人,尤其呢排社會敏感,喺公司,好容易會因為立場問題有所爭執。
話說就有打工仔忍唔住,上網訴苦話,平日喺公司要對住兩三個「家屬係警察」嘅同事,問大家如何面對?
有唔同立場尷尷尬尬,心中的確有刺,面對呢啲情況,係會有啲難受。
該名打工仔自己覺得,一係保持距離,一係只談公事,人前人後扮返和善;又有回應佢,覺得如果真係頂唔順,一係杯葛佢地,玩辦公室政治,一係不如索性自己辭職,離開香港。
但有人就提醒,禍不及家人,而且警察執行職務,背後原因太多,無必要喺自己公司同人嘈。
小編身邊亦有朋友,因為立場問題,從此唔Join同事大圍食lunch,話「恥與圍食」,連公司個whatsapp group都mute埋。
無論點都好,呢排返工,真係好緊張;最緊張嘅係,你唔知班掌握生殺大權嘅大帝點諗,一個唔小心企錯邊就大件事。
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦