【熱話】同事帶狗返公司 成功逗利是
那邊廂有打工仔覺得,同事新年期間要另一半幫手帶仔女返公司逗勻利是做法市儈。另一邊廂,有打工仔話甚至見識過有同事抱狗回公司逗利是,仲要俾佢得手,不得不寫個服字。
逗利是手法層出不窮。
話說有打工仔上網爆料,有同事帶隻狗返來拜年,仲要幫隻狗條頸縛住兩封顯眼嘅利是,見到同事就講:「同姐姐/叔叔講恭喜發財啦!」然後邊捉住隻狗手腳搖搖搖,搞到同事勁唔好意思,唯有焗住派利是俾狗狗。
亦有公司集合30-40人,一齊衝去老闆家拜年,老闆例牌將利是掛喺桃花上面,然後每人抽一封,頭二三奬分別$5000/3000/2000,安慰奬都有1000,但有新同事第一次參加,就帶晒一家四口出席,遲大到兩個鐘之餘,一抽埋利是,再坐多陣就閃人,做法被指肉酸又張揚。
如果你係其中一位被逗嘅同事,你又唔會唔會焗派畀隻狗呢?
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦