【熱話】地盤佬並唔係想像中咁好搵
地盤佬好搵呢個形象深入民心,由1500蚊日薪進化到2000蚊一日,網上仲有唔少網民成日葡萄地盤佬人工高,但真實情況又有幾多人知?
所以有行內人就決定喺網上解答大家嘅迷思,來一個你問我答。
問: 報紙成日話2000蚊日,係咪真㗎?
答: 係真,地盤有好多範數,當中好多頂薪都係$1300—1500, 2000蚊一日果啲係燒焊、札鐵,仲要全能。羨慕人之餘你識唔識?呢類燒焊嘅地盤佬要喺40度高溫下工作,一般打人仔又得唔得?
問: 地盤工係咪月入幾萬?
答: 當你$1500一日,返26日就$39000,但難就難在每月都要keep住$39000,因為呢一行大把人做幾個月就冇工開,要再搵工,除返勻每個月只係兩萬多啲。 問: 係咪成日比人走數? 答: 係!起碼要追返幾個月,多數最後都會俾,但俾唔足 。
問: 做地盤係咪周地大小便?
答: 係!
問: 呢行d人係咪成日打交?
答: 唔係,嗌交互相問候就多。
做過地盤嘅人話你知,呢一行並唔係穩定工作,你有機會一個月搵$30000,然後到下個月搵$10000,而且依家地盤空缺少咗,邊夠朝九晚六咁正。奉勸打工仔都都係唔好FF太多。
來源:高登
===================
19網輕鬆爆料熱線,歡迎舉報老細同事19惡行,立即click入去講畀我哋知啦