【熱話】女地勤鬧爆內地客「唔識擺行李」
作為心情靚靚、放假準備飛去玩嘅香港人,最怕搭機場巴士,因為好多時都唔知點擺行李。
有航空業女地勤網上大呻,話自己經常乘坐由粉嶺開往機場的A43號巴士往返通勤,見證近年開始愈來愈多內地人於上水火車站搭巴士去機場嘅情況,最嬲嘅係,內地人係唔識擺行李。
據女地勤憶述,不少內地人鍾意打平放喼,浪費喼位之餘,更令後面乘客擺唔到喼!基於安全理由,一但行李位full咗後面持有行李箱嘅乘客就上唔到車。
因此好多人上唔到車, 部份司機雖然好人,會出嚟執吓位再上客,但幫助始終有限。
女地勤又提醒,好多人將啲細型行李同兒童行李放喺最下層,但其實最下層係放大型同重嘢,佢本人就見過好多大型行李因為比細喼霸曬位,最終要放最上層,隨時跌落嚟整親人,嚴重嘅更會撞爆車門!
原來擺行李,真係有一門學問。
唔知你對女地勤口中嘅現象,又有無同感呢?
來源:西客之道facebook
===================
19網輕鬆爆料熱線,歡迎舉報老細同事19惡行,立即click入去講畀我哋知啦