【熱話】新同事破產唔申報 上司話誠信有問題

本身破產呢家嘢係好個人嘅事，你唔講，其他人亦唔會知，而好多公司在請人果陣，都冇特別要求求職者要申報係咪破產，部分大公司除外。

近日就有上司意外發現新同事破產，而剛好公司入職表格係要求求職者要申報係咪破產，新同事就竟然填咗「否」，上司就覺得呢位新同事誠信好有問題，於是打算向HR舉報。

正所謂斷人衣食猶如殺人父母，有人就覺得呢位上司咁諗好衰，始終破產並唔係罪，亦唔影響工作表現，認為如果新同事做到嘢、幫到手，不妨俾條生路佢行，仲叫呢位上司唔好戴有色眼鏡睇人。

呢位上司就覺得好兩難，一來知道一講俾HR聽，同事隨時冇咗份工，而新同事亦叫佢唔好傳出去，要保守秘密，自己會因為咁冇咗份工。但如果唔講，又怕公司以為佢包庇，到時搞到埋自己。加上公司問你係咪破產，你答唔係，即係代表個人誠信有問題，連咁小事都講大話，試問公司點敢再將大事交俾你？

他日呢位同事好話唔好聽穿櫃桶底、偷公司資料，上司都唔洗怕俾人話知情不報。

小編唔理事情發展如何，只想講句：打工仔真心唔好太天真，職場係唔會有秘密，如果你真係有啲唔俾得人知嘅秘密，真係要收埋喺心入面先冇人知。講出來嘅秘密，就唔係秘密了。請一眾身有屎嘅打工仔做人做事都唔好太天真……

來源：香討

===================

19網輕鬆爆料熱線，歡迎舉報老細同事19惡行，立即click入去講畀我哋知啦