【熱話】為港鐵優惠早返工 隨時得不償失
之前港鐵舉行周年股東大會,同時宣佈「早晨折扣優惠」75折加碼至65折,馬時亨於會上話「早少少返工,令擠塞情況改善。」
新優勢引起大家熱烈討論,「早晨折扣優惠」於早上7時15分至8時15分期間,有人覺得根本無作用,因為該時段唔多人返工,有人就覺得港鐵變相鼓勵人早返工,最後只有老細最開心。
你會唔會因為折扣優惠同馬時亨一向而早返工呢?
其實,馬時亨自己就一向早返工,佢早返工呢個習慣好多人知,80年代初入行做股票分析員,行內人知他最早返、最遲收;2002年特區政府新班子,「新丁」局長嘅馬時亨第一日返工,已經係最早返個局長,當年就只有特首董建華早過馬時亨返工。
為咗返工,他寧可少打高爾夫球,如果唔係「仙股」事件,今日嘅馬時亨,都仲係低調而努力嘅打工仔形象。
之不過,馬時亨還馬時亨,打工仔早返工真係好慘,首先好多打工仔為咗慳早餐錢,都唔會出街食,如果你8點出到去,變相又要使錢搵個地方逗留,隨時得不償失;早上8點幾,唔想坐快餐店,又好難說服自己喺公司附近晨運……
時間就是金錢,唔計金錢,有打工仔會覺得早返工壓力大,仲隨時會有心靈損失。
老實講,早10分鐘起身,都已經好辛苦了。
===================
19網輕鬆爆料熱線,歡迎舉報老細同事19惡行,立即click入去講畀我哋知啦