【熱話】老師點都要返工

全港大停課，但據小編所知，唔少老師都要返工，要提早出門，放工又驚返唔到屋企。

做老師一生嘅使命，最緊要係保護學生，有學生嘅地方，梗要衝返去保護。

但一般中小學，已經無學生返學，老師又係咪有好重要嘅使命返去呢？有老師返到學校，原來只為了處理一堆admin工作。

話說呢兩日，終於都有老師頂唔順，唔明點解要返，而上網作出大控訴﹗有個話：

「點解學校停課，校長副校長自己都唔返來，但係就要其他教師主任都要返去工作？」

又有個話：

「同事住大埔，路途崎嶇又封哂路，高層竟然仲要佢返，等左好耐車，上午塞到下午，點知，高層叫佢都係唔洗返，假都蝕埋，真係好慘！」

又有個話：

「有見及此，廣大幼師們領受及感謝校長的教誨，在未來的日子，繼續攀山越嶺，前往沒有小孩的學校，如途中發生任何危險事故，亦不會抱怨校方」

有人提議香港老師應該「反抗」搞工會，有人就覺得，老師已經係成年人，其實各行各業有好多都要返工，無理由有優特。

以小編了解，呢類政策都係睇學校，好多時都係因為上面嗰個唔知「民間疾苦」交通情況，先有呢個決定；身邊有教書朋友，試過有一日搭5個鐘車先返到學校，結果翌日校長話：「你睇情況返工啦」

來源：老師心聲

===================

19網輕鬆爆料熱線，歡迎舉報老細同事19惡行，立即click入去講畀我哋知啦