【熱話】香港金融業漸漸夕陽
唔講唔知,原來有「香港末日博士之稱」嘅交銀羅家聰經已離職,離開一個做咗14年嘅地方。
佢因為2008年睇過恆指8000點,仲話樓價還有排跌,其後又經常睇淡,而被散戶戲稱為「沽仔聰」;日前佢接受訪問時坦言,銀行、投行、證券業都漸漸夕陽,今時今日做分析相當難做。
散戶得知消息後,感慨佢算係「唔會交行貨」嘅分析員,只可惜佢貼唔中;亦有人感慨,佢同某大師一樣無樓,如果當初買層樓,就唔使捱租云云。
據行內人講,分析呢行,近年經濟同地緣政治複雜好多,卻又好多民間高手,大把時間自己上網做分析,另邊廂又市道唔好,證券本身「 零佣」,此消彼長,前景真係一般。
小編問過金融朋友,佢話做分析,不如做藍領幫人開下鎖,隨時仲穩定,因為人工智能,應該無可能取代到開鎖匠。
===================
19網輕鬆爆料熱線,歡迎舉報老細同事19惡行,立即click入去講畀我哋知啦